દિલ્હીમાં હવાની ગુણવત્તા ગંભીર સ્તરે પહોંચી છે. શુક્રવારે દિલ્હીનો સરેરાશ હવા ગુણવત્તા સૂચકાંક (AQI) 402 નોંધાયો હતો, જે ‘ગંભીર’ શ્રેણીમાં આવે છે. પ્રદૂષણમાંથી હજુ કોઈ રાહત મળી નથી.
IIT દિલ્હીમાં AQI 487 નોંધાયો, જ્યારે ચાંદની ચોક અને ઉત્તર કેમ્પસમાં 476 રહ્યો. ITOમાં AQI 453, જહાંગીરપુરીમાં 427, વઝીરપુરમાં 425, આનંદ વિહારમાં 417 અને બાવાના તથા રોહિણીમાં 411 નોંધાયો.
IGI એરપોર્ટ ટર્મિનલ 3 પર AQI 402, બુરારી અને ઓખલા ફેઝ 2 પર 399, દ્વારકા સેક્ટર 8 અને નરેલામાં 369 તથા લોધી રોડ પર 341 નોંધાયો હતો.
ગંભીર AQIનો અર્થ એ છે કે સ્વસ્થ લોકોને પણ શ્વાસ લેવામાં તકલીફ થઈ શકે છે. આવા સમયે બહાર નીકળવાનું ટાળવું, માસ્ક પહેરવું અને ડોક્ટરની સલાહ લેવી સૂચવાય છે, ખાસ કરીને વૃદ્ધો, બાળકો અને શ્વાસની બીમારી ધરાવતા લોકો માટે.