કેન્દ્ર સરકારે પોતાના કર્મચારીઓ અને પેન્શનરો માટે મોંઘવારી ભથ્થા (DA) અને મોંઘવારી રાહત (DR)માં 3 ટકાનો વધારો જાહેર કર્યો છે. આ વધારા સાથે કેન્દ્રીય કર્મચારીઓનું DA 60 ટકાથી વધીને 63 ટકા થઈ ગયું છે. માહિતી અને પ્રસારણ મંત્રી અશ્વિની વૈષ્ણવે કેબિનેટની બેઠક બાદ આ નિર્ણયની સત્તાવાર જાહેરાત કરી હતી. તેમણે આ વધારાને કર્મચારીઓ માટે ‘દિવાળીની ભેટ’ ગણાવી હતી.
સરકારના સત્તાવાર નિવેદન મુજબ, નવો દર 1 જુલાઈ, 2026થી અમલમાં આવશે. એટલે કે કર્મચારીઓને જુલાઈથી ઓક્ટોબર સુધીના ચાર મહિનાનું બાકી એરિયર પણ મળશે. આ નિર્ણયથી દેશભરના અંદાજે 1.17 કરોડ કેન્દ્રીય સરકારી કર્મચારીઓ અને પેન્શનરોને ફાયદો થશે.
એરિયરની ગણતરી સરળ છે. જો કોઈ કર્મચારીનો મૂળ પગાર 18,000 રૂપિયા છે, તો 3 ટકા વધારાથી તેમને દર મહિને 540 રૂપિયા વધારે મળશે. ચાર મહિનાના ગુણાકારથી કુલ 2,160 રૂપિયા એરિયર થાય છે. આ રકમ દિવાળી પહેલાંના પગાર સાથે મળશે.
વિવિધ પે લેવલ મુજબ મળવાપાત્ર એરિયર આ પ્રમાણે છે:
- લેવલ 1: બેઝિક 18,000 | માસિક વધારો 540 | એરિયર 2,160
- લેવલ 2: બેઝિક 19,900 | માસિક વધારો 597 | એરિયર 2,388
- લેવલ 3: બેઝિક 21,700 | માસિક વધારો 651 | એરિયર 2,604
- લેવલ 4: બેઝિક 25,500 | માસિક વધારો 765 | એરિયર 3,060
- લેવલ 5: બેઝિક 29,200 | માસિક વધારો 876 | એરિયર 3,504
- લેવલ 6: બેઝિક 35,400 | માસિક વધારો 1,062 | એરિયર 4,248
- લેવલ 7: બેઝિક 44,900 | માસિક વધારો 1,347 | એરિયર 5,388
- લેવલ 8: બેઝિક 47,600 | માસિક વધારો 1,428 | એરિયર 5,712
- લેવલ 9: બેઝિક 53,100 | માસિક વધારો 1,593 | એરિયર 6,372
- લેવલ 10: બેઝિક 56,100 | માસિક વધારો 1,683 | એરિયર 6,732
- લેવલ 11: બેઝિક 67,700 | માસિક વધારો 2,031 | એરિયર 8,124
- લેવલ 12: બેઝિક 78,800 | માસિક વધારો 2,364 | એરિયર 9,456
- લેવલ 13: બેઝિક 1,23,100 | માસિક વધારો 3,693 | એરિયર 14,772
- લેવલ 13A: બેઝિક 1,31,100 | માસિક વધારો 3,933 | એરિયર 15,732
- લેવલ 14: બેઝિક 1,44,200 | માસિક વધારો 4,326 | એરિયર 17,304
- લેવલ 15: બેઝિક 1,82,200 | માસિક વધારો 5,466 | એરિયર 21,864
- લેવલ 16: બેઝિક 2,05,400 | માસિક વધારો 6,162 | એરિયર 24,648
- લેવલ 17: બેઝિક 2,25,000 | માસિક વધારો 6,750 | એરિયર 27,000
- લેવલ 18: બેઝિક 2,50,000 | માસિક વધારો 7,500 | એરિયર 30,000
સરકાર વર્ષમાં બે વખત DAમાં સુધારો કરે છે. એપ્રિલમાં 2 ટકા વધારો થયો હતો, જેનાથી DA 60 ટકા થયું હતું. હવે 3 ટકાના વધારાથી તે 63 ટકા થયું છે. આ વધારાને કારણે સરકારી તિજોરી પર વાર્ષિક અંદાજે 10,016.10 કરોડ રૂપિયાનો વધારાનો બોજ પડશે.