અભિજિત દીપકેની આગેવાની હેઠળની 'કોકરોચ જનતા પાર્ટી' (CJP)એ દેશના 10 રાજ્યોમાં પ્રદેશ સ્તરીય સમિતિઓની જાહેરાત કરી છે. આ સમિતિઓમાં ઉત્તર પ્રદેશમાં સૌથી વધુ 16 સભ્યો છે. ઉત્તર પ્રદેશમાં વિધાનસભા ચૂંટણી નજીક હોવાથી આ ટીમને મહત્વપૂર્ણ માનવામાં આવી રહી છે.
પાર્ટી દ્વારા જાહેર કરાયેલા આંકડા મુજબ, મહારાષ્ટ્રમાં 15, ઝારખંડ અને પૂર્વોત્તરમાં 14-14, બિહારમાં 13, પશ્ચિમ બંગાળમાં 12, હરિયાણા અને ઉત્તરાખંડમાં 6-6, રાજસ્થાનમાં 5 અને જમ્મુ-કાશ્મીરમાં 4 સભ્યોની નિમણૂક કરવામાં આવી છે. પાર્ટીનો ઉદ્દેશ લોકસભા અને વિધાનસભા સ્તર સુધી જઈને જનતાના પ્રશ્નો ઉઠાવવાનો અને નેતાઓના અધૂરા વાયદાઓની જવાબદારી નક્કી કરવાનો છે.
આગામી ચૂંટણીઓને લઈને અટકળો ચાલી રહી હતી કે શું CJP ચૂંટણી લડશે? પરંતુ પાર્ટીએ સ્પષ્ટ કરી દીધું છે કે તેઓ ચૂંટણી લડવાના નથી. રાષ્ટ્રીય મીડિયા સંયોજક સુભાશ્રી દાસના જણાવ્યા મુજબ, તેઓ 'પોલિટિકલ પ્રેશર ગ્રુપ' તરીકે કામ કરશે અને ભવિષ્યમાં નવી રાજકીય પાર્ટી બનાવવાની હાલ કોઈ યોજના નથી.
હાલમાં CJP સીએએ (SIR) અને અન્ય મુદ્દાઓને લઈને ભાજપ સરકાર સામે આક્રમક દેખાવો કરી રહી છે. આ ઉપરાંત, પાર્ટીએ ચૂંટણી પંચ સામે પણ મોરચો ખોલી દીધો છે અને મુખ્ય ચૂંટણી કમિશનરને પદ પરથી હટાવવાની માંગ સાથે દેશમાં નિષ્પક્ષ ચૂંટણી વ્યવસ્થા લાગુ કરવા માટે સંઘર્ષ ચાલુ રાખવાની જાહેરાત કરી છે.