દિવાળી નિમિત્તે બોલિવૂડના કલાકારોએ પોતપોતાની રીતે ઉજવણી કરી છે. સોશિયલ મીડિયા પર તેમણે પૂજા અને ઉજવણીની તસવીરો ચાહકો સાથે શેર કરી છે.
રણબીર કપૂર અને આલિયા ભટ્ટે દીકરી રાહા સાથે ઘરમાં લક્ષ્મી પૂજા કરી. અગાઉ કપલે ઘરની બાલ્કનીમાંથી ચાહકોનું અભિવાદન કર્યું હતું. આલિયાએ સોશિયલ મીડિયા પર ઉજવણીની તસવીરો પોસ્ટ કરી છે, જેમાં રાહાએ પિતા રણબીર સાથે મળતાં કપડાં પહેર્યા હોવાનું જોવા મળે છે. વધુમાં, પ્રેગ્નન્સીના ત્રીજા ત્રિમાસમાં ચાલી રહેલી સોનમ કપૂરે પતિ આનંદ આહુજા સાથેની તસવીરો પોસ્ટ કરી છે.
કંગના રનૌતે પરંપરાગત અંદાજમાં દીવા પ્રગટાવ્યા અને પૂજા કરી. તેણે ફેશન ડિઝાઇનર નીતા લુલ્લાના કલેક્શનની સાડી પહેરી હતી. દીવા સજાવતી વખતે અને ફૂલઝડી ફોડતી વખતે તેનો મસ્તીભર્યો અંદાજ જોવા મળ્યો.
અક્ષય કુમારે લક્ષ્મી પૂજા વખતે પોતાના દિવંગત માતા-પિતાની તસવીરની આરતી ઉતારી હતી.
વરુણ ધવને પત્ની નતાશા સાથે ટ્વિનિંગ કરીને દીવાળીની પૂજા કરી. તેણે દીકરી સાથેની તસવીર પણ શેર કરી છે, જોકે તેમાં દીકરીનો ચહેરો દેખાડ્યો નથી.
સંજય કપૂર અને મહીપ કપૂરે દીકરી શનાયા સાથે દિવાળી પૂજા કરી. કરીના કપૂર અને કરિશ્મા કપૂરે દિવાળીની બપોર પોતાના માતા-પિતા સાથે વિતાવી. કરિશ્માએ દીવા સાથેની તસવીર શેર કરી છે. બોની કપૂર અને સંજય કપૂરના પરિવારે પણ સાથે મળીને દિવાળી ઉજવી.
કુણાલ ખેમુ અને સોહા અલી ખાને દીકરી સાથે જંગલમાં દિવાળી મનાવી. અભિષેક બચ્ચને બહેન શ્વેતા સાથે ફૂલઝડી ફોડી, અને અભિષેક-ઐશ્વર્યાની દીકરી આરાધ્યા ભાઈ અગસ્ત્ય સાથે જોવા મળી.