ગુજરાતી ફિલ્મ 'ભૂત નો પીપળો'નું ટીઝર તાજેતરમાં રિલીઝ થયું છે. આ ફિલ્મ હોરર અને થ્રિલર શૈલીની છે, જે ગામના એક રહસ્યમય પીપળાના ઝાડની આસપાસ ફરે છે. પીપળાના ઝાડ વિશે ગામમાં ઘણી લોકવાયકાઓ પ્રચલિત છે, અને તેના કારણે લોકો તેનાથી ડરતા હોય છે.
ફિલ્મમાં કરણ જોશી, વિક્રમ ઠાકોર, આકાશ ઝાલા અને જીતેન્દ્રકુમાર પંડ્યા મુખ્ય ભૂમિકામાં છે. ફિલ્મનું શૂટિંગ ગીર અને અમરેલીની આસપાસ કરવામાં આવ્યું છે. વિક્રમ ઠાકોર અને કરણ જોશી પહેલી વાર સાથે કામ કરી રહ્યા છે, તેથી ચાહકોમાં ઉત્સાહ છે. ટીઝરના અંતે કરણ જોશી અને વિક્રમ ઠાકોર કહે છે, 'છોકરાઓ મજા આવી...તો મારો સીટી...'
ફિલ્મ 26 ફેબ્રુઆરીના રોજ રિલીઝ થશે. તેને વિશાલ વડવાળાએ દિગ્દર્શિત કરી છે, જેમણે 'ફિલ્મમ', 'રઘુ સીએનજી', 'સૈયર મોરી રે..', 'રામ ભરોસે', 'સમંદર', 'વિક્ટર 303' અને 'કજોડુ' જેવી ફિલ્મોનું દિગ્દર્શન કર્યું છે. ફિલ્મના નિર્માતા રિદ્ધિ રાવલ અને વિશાલ વડવાળા છે, જ્યારે સ્ક્રીનપ્લે અને વાર્તા નસીમ વારસી અને રૂત્વિક ગાંધીએ લખી છે.