ભારતીય ક્રિકેટ ટીમના ઝડપી બોલર અર્શદીપ સિંહે બુધવારે તેમની ગર્લફ્રેન્ડ સમરીન કૌરને પ્રપોઝ કર્યું છે. તેમણે સમરીનને વીંટી પહેરાવી હતી. આ ઘટનાની તસવીરો સોશિયલ મીડિયા પર ઝડપથી ફેલાઈ રહી છે.
વાયરલ તસવીરોમાં અર્શદીપ ઘૂંટણ પર બેસીને સમરીનને પ્રપોઝ કરતો જોઈ શકાય છે. આ પ્રસંગ ન્યૂઝીલેન્ડમાં યોજાયો હોવાનું જાણવા મળે છે. અર્શદીપ અને સમરીને આ રોમેન્ટિક ક્ષણોની તસવીરો સોશિયલ મીડિયા પર શેર કરી છે.
આ પહેલા અર્શદીપ સિંહ ટ્રેડ દ્વારા પંજાબ કિંગ્સ છોડીને મુંબઈ ઈન્ડિયન્સમાં જોડાયો હતો. હવે તે પોતાની અંગત જીવનની આ ખુશખબરને કારણે પણ ચર્ચામાં છે.
સોશિયલ મીડિયા પર ફોટા શેર કરતા અર્શદીપ અને સમરીને લખ્યું, “જિંદગી આપણને જે કંઈ પણ આપી શકતી હતી, તેમાં સૌથી વધુ ખુશી એ વાતની છે કે તેણે આપણને એકબીજા સાથે જોડ્યા. જીવનભરના આ સાથના નામે 11.11.2026.”
ઉલ્લેખનીય છે કે, અર્શદીપ સિંહ ભારતીય ક્રિકેટ ટીમના મહત્વપૂર્ણ ઝડપી બોલર છે અને તાજેતરમાં જ તે ટ્રેડ દ્વારા મુંબઈ ઈન્ડિયન્સ સાથે જોડાયો છે. આ સગાઈની ખબરે તેમના ચાહકોને ખુશ કરી દીધા છે.