થાઈલેન્ડમાં એક ફૂટબોલ પ્રેક્ટિસ સેશન દરમિયાન ચોંકાવનારી ઘટના બની, જ્યારે પિચ રોલર ખેલાડી એન્ડ્રોસ ટાઉનસેન્ડ પર ફરી ગયું. પ્રીમિયર લીગ અને ઇંગ્લેન્ડના ભૂતપૂર્વ વિંગર 35 વર્ષીય એન્ડ્રોસ ટાઉનસેન્ડ પાસિંગ ડ્રિલમાં વ્યસ્ત હતા, ત્યારે અચાનક તે મેદાન પર ચાલી રહેલા પિચ રોલરની અડફેટમાં આવી ગયા. ટક્કર લાગતાં તે મેદાન પર પડી ગયા અને તેમનો પગ પિચ રોલર નીચે આવી ગયો.
આ ઘટના થાઈ લીગમાં બની, જ્યાં ટાઉનસેન્ડ પીટી પ્રાચુઆપ ટીમ તરફથી રમે છે. ઘટનાને ગંભીરતાથી લઈને પિચ રોલરના ડ્રાઈવરે તરત જ વાહન રોકી દીધું અને ટાઉનસેન્ડની મદદ માટે દોડ્યો. સદનસીબે, ટાઉનસેન્ડને કોઈ ગંભીર ઈજા થઈ નથી અને તે સુરક્ષિત બચી ગયા. આ ઘટના બાદ ટીમે પટ્ટાની એફસી વિરુદ્ધની મેચ 3-0થી જીતી હતી.
ટાઉનસેન્ડ થાઈલેન્ડ લીગમાં તેમની બીજી સીઝન રમી રહ્યા છે. અગાઉ તેમણે 2025-26 સીઝન કંચનબુરી પાવર સાથે પસાર કરી હતી. તે ટોટનહમ, ન્યુકેસલ, ક્રિસ્ટલ પેલેસ અને એવરટન જેવી ક્લબો માટે પણ રમી ચૂક્યા છે. ફૂટબોલની પિચ પર આ પ્રકારનો અકસ્માત ભાગ્યે જ જોવા મળે છે, પરંતુ આ ઘટનામાં કોઈ ગંભીર પરિણામ આવ્યું નથી.