આણંદ શહેર અને આસપાસના ગ્રામ્ય વિસ્તારોમાં આજે ભારે વરસાદ પડ્યો હતો. વહેલી સવારથી વાતાવરણમાં પલટો આવ્યો અને બાદમાં શહેરના અનેક ભાગોમાં ધોધમાર વરસાદ થયો. વરસાદને કારણે ગરમી અને બફારાથી લોકોને રાહત મળી છે.
આણંદના ગામડી વડ અને વિદ્યાનગર રોડ સહિતના વિસ્તારોમાં ભારે વરસાદ નોંધાયો છે. સતત વરસાદના કારણે રસ્તાઓ પર પાણી ફરી વળ્યા હતા. ખાસ કરીને ટાઉન હોલ વિસ્તારમાં પાણી ભરાતાં જળબંબાકારની સ્થિતિ સર્જાઈ હતી.
શહેરના નવા બસ સ્ટેન્ડ સહિતના અન્ય વિસ્તારોમાં પણ વરસાદ પડ્યો હતો. કેટલાક વિસ્તારોમાં વરસાદી પાણી રસ્તા પર ભરાઈ જતાં વાહનચાલકોને અવરજવરમાં મુશ્કેલી પડી હતી.
આણંદના ગ્રામ્ય વિસ્તારોમાં પણ વરસાદી માહોલ જોવા મળ્યો હતો. લાંબા સમય બાદ સારો વરસાદ થતાં વાતાવરણમાં ઠંડક પ્રસરી છે.
હાલ શહેર અને ગ્રામ્ય વિસ્તારોમાં વરસાદી માહોલ યથાવત્ છે. તંત્ર દ્વારા નીચાણવાળા વિસ્તારો અને પાણી ભરાવાની સ્થિતિ પર નજર રાખવામાં આવી રહી છે.