અમુલ દૂધના ભાવમાં તાજેતરમાં થયેલા વધારા બાદ હવે દહીં અને લસ્સી જેવી ડેરી પ્રોડક્ટ્સના ભાવમાં પણ વધારો કરવામાં આવ્યો છે. પ્રાપ્ત માહિતી અનુસાર, અમુલે મસ્તી દહીંના ભાવમાં પ્રતિ કિલો 5 રૂપિયાનો વધારો કર્યો છે.
ભાવ વધારા પછી 1 કિલો મસ્તી દહીંનો નવો ભાવ 85 રૂપિયા થયો છે. અન્ય પેકિંગમાં પણ ભાવ વધ્યા છે. 380 ગ્રામ મસ્તી દહીં હવે 37 રૂપિયામાં મળશે, જ્યારે 1 કિલો મસ્તી દહીં બકેટનો ભાવ 120 રૂપિયા થયો છે.
માત્ર દહીં જ નહીં, અમુલ પ્રોબાયોટિક રોઝ લસ્સીના ભાવમાં પણ 2 રૂપિયાનો વધારો થયો છે. વધારા બાદ લસ્સીનો નવો ભાવ 17 રૂપિયા થયો છે. આ ભાવ વધારાનો બોજ સામાન્ય ગ્રાહકોના રોજિંદા બજેટ પર પડશે.