અમરેલી જિલ્લાના લીલીયા તાલુકાના ગુંદરણ ગામની સીમમાં એક પેસેન્જર ગાડીમાં બે યુવકોને જીવતા સળગાવવાની ઘટનાની તપાસ પોલીસે તેજ કરી છે. લીલીયા પોલીસે આ કેસમાં ધરપકડ કરેલા બે મુખ્ય આરોપીઓ વિનોદ ડોડીયાર અને રાજુ ડોડીયારને ઘટનાસ્થળે લઈ જઈને ગુનાનું પુનર્નિર્માણ (રિકન્સ્ટ્રક્શન) કરાવ્યું હતું.
પોલીસ સૂત્રો પ્રમાણે, આરોપીઓએ ઘટનાસ્થળે જઈને બતાવ્યું કે તેમણે કઈ રીતે પેસેન્જર ગાડીને આગ ચાંપી હતી અને આ ગંભીર ગુનાને કેવી રીતે અંજામ આપ્યો હતો. આ પુનર્નિર્માણની પ્રક્રિયા દરમિયાન લીલીયા પોલીસે બંને આરોપીઓને ઘટનાસ્થળની આસપાસના વિસ્તારમાં જાહેરમાં ફેરવ્યા હતા, જેને લોકોએ 'વરઘોડો' તરીકે જોયું. આ સમયે સ્થાનિક લોકોના ટોળા ઉમટી પડ્યા હતા.
આ ઘટના અંગે પોલીસે વધુ તપાસ હાથ ધરી છે અને ગુનાના તમામ પાસાંઓની ઊંડાણપૂર્વક છણાવટ કરી રહી છે.