અમદાવાદમાં ગણેશ ચતુર્થીના દિવસે ભારે વરસાદ પડ્યો, જેના કારણે ગણપતિની મૂર્તિઓનું વેચાણ કરતા વેપારીઓની ચિંતા વધી છે. વટવા, ચાર માળીયા સહિતના વિસ્તારોમાં પાણી ભરાતાં મૂર્તિ બજારમાં ખરીદી ઘટી છે. લોકો ઘરની બહાર નીકળતા ન હોવાથી વેચાણમાં મંદીનો માહોલ છે.
હાટકેશ્વર, બાપુનગર, સીટીએમ અને મણિનગર વિસ્તારના વેપારીઓને પણ આર્થિક નુકસાનનો ભય સતાવી રહ્યો છે. વટવા ચાર માળીયા વિસ્તારમાં રસ્તાઓ પર પાણી ભરાયું હતું, જેના કારણે મૂર્તિ વેચાણ કરતા વેપારીઓને મુશ્કેલી પડી રહી છે.
બીજી તરફ, ભક્તો માટે પણ વરસાદ મુશ્કેલીરૂપ બન્યો છે. સ્થાપનાના શુભ મુહૂર્ત દરમિયાન ભારે વરસાદને કારણે કેટલાક સ્થળોએ નિર્ધારિત સમયે ગણપતિની સ્થાપના કરવી મુશ્કેલ બની હતી. હવે ભક્તો અન્ય શુભ મુહૂર્તમાં સ્થાપના કરવાની તૈયારી કરી રહ્યા છે.
ગણેશ મહોત્સવના પ્રારંભના દિવસે જ પડેલા ભારે વરસાદે ઉજવણીમાં વિઘ્ન ઊભું કર્યું છે અને નાના વેપારીઓ માટે પણ મુશ્કેલી ઊભી કરી છે.