સત્ય. સાહસ. સંકલ્પ.

અમદાવાદમાં તહેવારો પછી પણ હવા પ્રદૂષિત, કેટલાક વિસ્તારોમાં AQI 200ને પાર

અમદાવાદમાં તહેવારો પછી પણ હવા પ્રદૂષિત, કેટલાક વિસ્તારોમાં AQI 200ને પાર

અમદાવાદમાં દિવાળીના તહેવારો પૂરા થઈ ગયા છે, પણ હવાનું પ્રદૂષણ ઘટ્યું નથી. શહેરના કેટલાક વિસ્તારોમાં હવાનો ગુણવત્તા સૂચકાંક (AQI) 200ને પાર પહોંચ્યો છે. આ સ્તર નાગરિકોના સ્વાસ્થ્ય માટે ચિંતાનું કારણ છે.

પ્રદૂષણ વધવા પાછળ કેટલાંક પરિબળો છે. દિવાળીમાં ફોડાયેલા ફટાકડાની અસર આજે પણ હવામાં જોવા મળે છે. શિયાળાની શરૂઆત થતાં હવામાં ભેજ વધે છે, જેનાથી ધૂળ અને ધુમાડો નીચે બેસી જાય છે. ઉપરાંત શહેરમાં વધતી વાહનોની અવરજવર, ટ્રાફિક, બાંધકામની પ્રવૃત્તિઓ અને રસ્તાઓ પર ઊડતી ધૂળ પણ હવાની ગુણવત્તા બગાડે છે.

સતત વધતા પ્રદૂષણને કારણે બાળકો, વૃદ્ધો અને શ્વાસની તકલીફ ધરાવતા લોકોને તકલીફ પડી શકે છે. તહેવારો પૂરા થયા છતાં અમદાવાદની હવા શુદ્ધ ન થતાં પ્રદૂષણ નિયંત્રણના પગલાં અંગે સવાલો ઊભા થયા છે.