હોંગકોંગ સુપર સિક્સીસ 2026ની ફાઇનલમાં અફઘાનિસ્તાને ઓસ્ટ્રેલિયાને 4 વિકેટથી હરાવીને પ્રથમ વખત ચેમ્પિયનશિપ જીતી લીધી છે. આ મુકાબલો 1 નવેમ્બરે મોંગ કોકના મિશન રોડ ગ્રાઉન્ડ પર રમાયો હતો. ગુલબદ્દીન નૈબની કેપ્ટનશીપમાં રમી રહેલી અફઘાન ટીમે શાનદાર પ્રદર્શન કર્યું હતું.
આ ફાઇનલમાં ઓસ્ટ્રેલિયાએ પ્રથમ બેટિંગ કરતા 6 ઓવરમાં 4 વિકેટ ગુમાવીને 115 રન બનાવ્યા હતા. જવાબમાં અફઘાનિસ્તાને 5.1 ઓવરમાં 2 વિકેટ ગુમાવીને લક્ષ્યાંક પૂરો કરી લીધો હતો. અફઘાનિસ્તાન માટે ઇમરાન નઝીરે માત્ર 14 બોલમાં 7 છગ્ગા અને 2 ચોગ્ગા સાથે 53 રનની અણનમ ઇનિંગ રમી હતી. તેમણે ફરમાઉલ્લાહ સૈફી (26) સાથે ત્રીજી વિકેટ માટે 21 બોલમાં 87 રનની ભાગીદારી કરી હતી.
અફઘાનિસ્તાનનું આખું ટૂર્નામેન્ટ અજેય રહ્યું હતું. ગ્રુપ સ્ટેજમાં તેમણે દક્ષિણ આફ્રિકાને 3 વિકેટથી અને ઓમાનને 4 વિકેટથી હરાવ્યું હતું. સેમિફાઇનલમાં સ્કોટલેન્ડને 21 રનથી પરાજય આપીને ફાઇનલમાં પ્રવેશ કર્યો હતો. આ જીત અફઘાન ક્રિકેટ માટે ઐતિહાસિક ક્ષણ છે.