ભારતીય વાયુસેનાએ એરફોર્સ કોમન એડમિશન ટેસ્ટ (AFCAT 1/2027) માટે નોટિફિકેશન બહાર પાડ્યું છે. જે યુવાનો દેશની સેવા કરવા અને વાયુસેનામાં અધિકારી બનવાનું સ્વપ્ન જુએ છે, તેમના માટે આ એક મહત્ત્વની તક છે. આ ભરતીમાં ફ્લાઇંગ બ્રાન્ચ તેમજ ગ્રાઉન્ડ ડ્યુટી (ટેકનિકલ અને નોન-ટેકનિકલ) શાખાઓમાં કુલ 284 જગ્યાઓ ભરવામાં આવશે. પુરુષ અને સ્ત્રી બંને ઉમેદવારો અરજી કરી શકશે.
આ ભરતી જાન્યુઆરી 2028થી શરૂ થતા અભ્યાસક્રમો માટે છે. ઓનલાઇન અરજીની પ્રક્રિયા 12 નવેમ્બર, 2026થી શરૂ થઈ છે અને ઉમેદવારો 11 ડિસેમ્બર, 2026 સુધી સત્તાવાર વેબસાઇટ પર ફોર્મ સબમિટ કરી શકશે.
મહત્ત્વની તારીખો:
નોટિફિકેશન પ્રકાશિત: 11 નવેમ્બર, 2026
ઓનલાઇન અરજી શરૂ: 12 નવેમ્બર, 2026 (સવારે 11:00 વાગ્યાથી)
અરજી કરવાની છેલ્લી તારીખ: 11 ડિસેમ્બર, 2026 (રાત્રે 11:30 વાગ્યા સુધી)
ઓનલાઇન પરીક્ષા: 31 જાન્યુઆરી, 2027
અભ્યાસક્રમ શરૂ: જાન્યુઆરી 2028
શાખા પ્રમાણે જગ્યાઓ:
આ ભરતીમાં કાયમી કમિશન અને શોર્ટ સર્વિસ કમિશન (SSC) બંને હેઠળ જગ્યાઓ ભરવામાં આવશે. ફ્લાઇંગ બ્રાન્ચમાં 36 જગ્યાઓ, ગ્રાઉન્ડ ડ્યુટી ટેકનિકલ AE(L) અને AE(M) માટે 124 જગ્યાઓ તથા ગ્રાઉન્ડ ડ્યુટી નોન-ટેકનિકલમાં વેપન્સ સિસ્ટમ્સ, એડમિનિસ્ટ્રેશન, લોજિસ્ટિક્સ, એકાઉન્ટ્સ, શિક્ષણ અને હવામાનશાસ્ત્ર માટે 108 જગ્યાઓનો સમાવેશ થાય છે.
ગ્રાઉન્ડ ડ્યુટી (ટેકનિકલ) માટે GATE સ્કોરના આધારે પ્રવેશ થશે, જ્યારે ફ્લાઇંગ બ્રાન્ચમાં NCC સ્પેશિયલ એન્ટ્રી હેઠળ પ્રવેશની ટકાવારીના આધારે 16 જગ્યાઓ અનામત રાખવામાં આવી છે.
ઉંમર મર્યાદા અને વૈવાહિક સ્થિતિ:
ઉંમરની ગણતરી 1 જાન્યુઆરી, 2028ના રોજ થશે. ફ્લાઇંગ બ્રાન્ચ માટે ઉમેદવારની ઉંમર 20થી 24 વર્ષ વચ્ચે હોવી જોઈએ. માન્ય કોમર્શિયલ પાયલોટ લાઇસન્સ ધરાવતા ઉમેદવારો માટે ઉપલી ઉંમર મર્યાદા 26 વર્ષ છે. ગ્રાઉન્ડ ડ્યુટી (ટેકનિકલ અને નોન-ટેકનિકલ) માટે ઉંમર 20થી 26 વર્ષ વચ્ચે હોવી જોઈએ.
આ પદો માટે અરજી કરતા ઉમેદવારો અભ્યાસક્રમ શરૂ થાય ત્યારે અપરિણીત હોવા જોઈએ. તાલીમના સમયગાળા દરમિયાન લગ્ન કરવાની મંજૂરી રહેશે નહીં.
શૈક્ષણિક લાયકાત:
ફ્લાઇંગ બ્રાન્ચ માટે ઉમેદવારે ભૌતિકશાસ્ત્ર અને ગણિત સાથે 12મું ધોરણ પાસ કર્યું હોવું જોઈએ, તેમજ માન્ય યુનિવર્સિટીમાંથી 3 વર્ષની ગ્રેજ્યુએશન અથવા 4 વર્ષની BE/BTech ડિગ્રી હોવી જોઈએ.
ગ્રાઉન્ડ ડ્યુટી (ટેકનિકલ) પદો માટે ભૌતિકશાસ્ત્ર અને ગણિત સાથે 12મું ધોરણ પાસ હોવું જોઈએ, સાથે સંબંધિત એન્જિનિયરિંગ વિષયમાં BE/BTech ડિગ્રી જરૂરી છે.
ગ્રાઉન્ડ ડ્યુટી (નોન-ટેકનિકલ) પદો માટે લાયકાત અલગ અલગ છે. વેપન્સ સિસ્ટમ્સ અને એડમિનિસ્ટ્રેશન માટે ગ્રેજ્યુએશન, એકાઉન્ટ્સ માટે કોમર્સ/ફાઇનાન્સ ડિગ્રી અને શિક્ષણ માટે અનુસ્નાતક (પોસ્ટ ગ્રેજ્યુએશન) ડિગ્રી જરૂરી છે.
અરજી કેવી રીતે કરવી:
ઉમેદવારોએ સૌપ્રથમ વાયુસેનાની સત્તાવાર વેબસાઇટ afcat.edcil.co.in પર જવું. ત્યારબાદ AFCAT 1/2027 એપ્લિકેશન લિંક પર ક્લિક કરવું. માન્ય ઇમેઇલ આઇડી અને મોબાઇલ નંબર દાખલ કરીને નોંધણી કરવી. પછી યુઝર આઇડી અને પાસવર્ડ સાથે લોગિન કરવું. વ્યક્તિગત, શૈક્ષણિક અને પસંદગીની શાખાની માહિતી ભરવી. જરૂરી દસ્તાવેજો અપલોડ કરવા. આખા ફોર્મની ફરી એક વાર કાળજીપૂર્વક સમીક્ષા કરવી. અંતે ફી ચૂકવીને ફોર્મ સબમિટ કરવું.
ઉમેદવારોને સલાહ છે કે તમામ માહિતી અને તારીખો સત્તાવાર વેબસાઇટ પરથી ચોક્કસ કરી લેવી.