72મા રાષ્ટ્રીય ફિલ્મ પુરસ્કારની જાહેરાત થઈ ગઈ છે. 2024માં રિલીઝ થયેલી ફિલ્મો અને કલાકારોને સન્માનિત કરતો આ પ્રતિષ્ઠિત સમારોહ 22 સપ્ટેમ્બર 2026ના રોજ ગુજરાતના એકતા નગરમાં યોજાયો. રાષ્ટ્રપતિ દ્રૌપદી મુર્મૂએ વિજેતાઓને સન્માનિત કર્યા.
આ વખતે રાષ્ટ્રીય ફિલ્મ પુરસ્કાર સમારોહ દિલ્હીની બહાર યોજાયો હતો, જે પોતે એક ખાસ બાબત છે. 2024ની ઘણી ચર્ચિત ફિલ્મોએ વિવિધ કેટેગરીમાં સ્થાન મેળવ્યું છે. જેમાં 'આર્ટિકલ 370', 'બ્રહ્મયુગમ', 'ચંદુ ચેમ્પિયન', 'અમરન', 'કલ્કી 2898 એડી', 'સ્ત્રી 2' અને 'પુષ્પા: ધ રૂલ પાર્ટ-02' જેવી ફિલ્મોના નામ સામેલ છે.
આ વર્ષે સ્ટાર એક્ટર કાર્તિક આર્યન અને મલયાલમ સિનેમાના દિગ્ગજ એક્ટર મમ્મૂટીને પણ એવોર્ડ મળ્યો છે. કાર્તિક આર્યનને ફિલ્મ 'ચંદુ ચેમ્પિયન'માં તેના દમદાર અભિનય માટે બેસ્ટ એક્ટરનું સન્માન આપવામાં આવ્યું. મમ્મૂટીને પણ તેમના શ્રેષ્ઠ કામ માટે રાષ્ટ્રીય ફિલ્મ પુરસ્કારથી નવાજવામાં આવ્યા. બંને સિતારાઓ માટે આ ક્ષણ અત્યંત ખાસ રહી. પુરસ્કાર મળ્યા બાદ તેમના ચાહકોમાં ભારે ખુશી જોવા મળી રહી છે. સોશિયલ મીડિયા પર અનેક લોકો બંનેને અભિનંદન આપી રહ્યા છે.
ઉલ્લેખનીય છે કે, આ સમારોહમાં ભારતીય સિનેમાના અનેક મોટા નામો એકત્ર થયા હતા. જેમાં મમ્મૂટી, કાર્તિક આર્યન, ધનુષ, યામી ગૌતમ, આદિત્ય ધર, રણદીપ હુડા, સંજય મિશ્રા સહિત અનેક કલાકારોએ ભાગ લીધો હતો.